Əkiz övladları şəhid olan Mailə ana “Baku Medical Plazada” pulsuz əməliyyat edilib – VİDEO

Əkiz övladları şəhid olan Mailə ana "Baku Medical Plazada" pulsuz əməliyyat edilib - VİDEO

“Baku Medical Plaza”nın həkimi, travmatoloq-ortoped cərrah Vüsal Mahmudov şəhid ailələrinin üzvləri üçün tibbi xidmət göstərməkdə davam edir. Həkimin bu dəfəki pasiyenti əkiz övladları Vətən Müharibəsində şəhid olan Mailə ana olub.

Minval.info xəbər verir ki, V.Mahmudov Mailə ananın hər iki diz oynağında heç bir təmənnasız replantasiya əməliyyatı aparıb. Saytımıza açıqlamasında həkim bildirib ki, pasient hər iki diz oynağının deformasiyaedici artrozu diaqnozu ilə əməliyyat edilib: “Bizə müraciət edərkən xəstənin hər iki diz oynağında qığırdaq toxumaları tamamilə yeyilib aşınmış, amortizasiya xüsusiyyətini itirmişdi. Xəstə həm yeriyə bilmir, həm də dizini tam aça bilmirdi. Bu zaman vurulan iynələr, qəbul edilən dərmanlar müvəqqəti xarakter daşıyır və heç bir müsbət nəticə vermir. Ona görə də cərrahi əməliyyatın aparılması zəruri idi. Lakin pasientin kardioloji problemləri olduğu üçün əməliyyatı icra etmək çox riskli idi. Buna baxmayaraq, anesteziologiya komandamızla birlikdə bu əməliyyatın icrasına qərar verdik və müvəffəqiyyətlə icra edərək eyni vaxtda xəstənin hər iki diz oynağında replantasiya əməliyyatı apardıq. Artıq pasientin rahat hərəkəti bərpa olunub. İki oğlunu Vətənə qurban verən qəhrəman anaya xidmət etmək bizim üçün şərəfdir”.