Space Tv-də yayımlanan «Gəl danış» verilişinin canlı yayımında maraqlı olayın təfərrüatları bəlli olub. Belə ki, verilişin vəkili Loğman Abdullayev ötən həftə Sabunçu rayonu ərazisində baş verən hadisənin əsaslarını tamaşaçılara çatdırıb. Vəkilin çıxışı isə olduqca vacib məqamları ortaya qoyub.
Belə ki, Bakıxanov ərazisində yerləşən uşaq sığınacaqlarının birinə qarşı bir neçə dövlət işçisinin bilərəkdən sifarişlə bağlanmasına cəhtinin sübütlarından söz açılıb.
Minval.İnfo-nun xəbərinə görə, vəkil bildirib ki, “Ötən həftə qapı döyülür. Bir neçə qrumdan, başda isə Ailə, Qadın və Uşaq Problemləri üzrə Dövlət Komitəsinin rəsmiləri içəri daxil olur. Sürücü belə sığınacağın rəhbərinə təzyiq göstərir, hər biri ayaqabı ilə içəri daxil olurlar, sığınacağın rəhbərini otaqdan qovurlar və başlayırlar uşaqlara zor tədbiq etməyə. Hər birini məcbur edirlər ki, deyilsin ki, guya burada uşaqları yandırırlar, döyürlər, zorla saxlayırlar. Halbu ki, buraya uşaqlar və anaları özləri gəlir. Ardından isə akt yazırlar. Guya bu müəssisənin fəaliyyəti düzgün deyil və dərhal bağlanılmalıdır. Aktı özləri imzalayır və tədbiq etməyə başlayırlar. Ötən gün guya əllərində məhkəmə qərarı varmış kimi yenidən bildiriş göndərirlər ki, uşaqları başqa sığınacağa aparırlar. Mən müdaxilə etdim. Hətta sonuncu gələn Ailə, Qadın və Uşaq Problemləri üzrə Dövlət Komitəsinin rəsmisi insafən yaxşı adam çıxdı. Ona zəng edirdilər ki, bağlanmalıdır. Adam öz növbəsinə buna qarşı çıxdı və burada heç kimin getmək istəmədiyini əksinə çox razı qaldığını qeyd edir. Biriləri istəyir ki, ölkədə bir uşaq sığınacağı olsun amma bu yalnış fikirdir”.
Amil Xəlilin «bu sifarişlə qurulmuş oyundur?» sualına Loğman Abdullayev «Bəli, 100 faiz» cavabını verib. Teleaparıcı digər maraqlı nüansları da canlı yayımda açıqlayıb: «Mən o sığınacağa ötən ay 5 uşaq göndərmişəm. Uşaqlardan birinin nə anası, nə də atası bəlli idi. Uşağı “Space” telekanalına taksi sürücüsü gətirmişdi. Mən onu sığınacağa yolladım. Keçən dəfə Könül xanıma (sığınacağın rəhbəri)  deyiblər ki, sənədsiz niyə uşaq götürmüsünüz? Başa düşmürəm, uşaq küçədə qalmalı idi?”
Həmin anları təqdim edirik, məsələ ilə aparıcı Sabunçu RİH-nə, Azərbaycan Respublikası Prezidentinin köməkçisi Hikmət Hacıyevə müraciət edəcəyini xüsusi ilə qeyd edib.