Çimərliyə gedənlərin nəzərinə

Abşeron çimərliklərində iyulun 27-si üçün gözlənilən hava şəraiti açıqlanıb. Minval.info xəbər verir ki, Milli Hidrometeorologiya Xidmətinin məlumatına görə, gün ərzində güclü şimal-qərb küləyi əsəcək.

Bildirilib ki, dəniz suyunun temperaturu şimal çimərliklərində – Sumqayıt, Novxanı, Pirşağı, Nardaran, Bilgəh və Zuğulbada 26-27, cənub çimərliklərində – Türkan, Hövsan, Sahil və Şıxda isə 27-28 dərəcə isti olacaq.

Məlumata əsasən, küləkli hava şəraiti ilə əlaqədar dənizdə dalğalanmanın artacağı proqnozlaşdırılır.

Bu səbəbdən əhaliyə çimərliklərdə ehtiyatlı olmaları və təhlükəsizlik qaydalarına riayət etmələri tövsiyə olunub.