Keçmiş prezidentin qızı 1 milyarda yaxın dollar rüşvət almaqda ittiham olunur

İslam Kərimovun qızı ABŞ-da 865 milyon dollar rüşvət almaqda ittiham olunur

Özbəkistanın mərhum prezidenti İslam Kərimovun qızı Gülnarə Kərimovanı ABŞ-da çirkli pulların yuyulması, habelə 865 milyon dollar məbləğində rüşvət almaqda ittiham edirlər.

ONA-nın məlumatına görə, bu barədə RİA Novosti agentliyinə Nyu-Yorkun Cənub Dairəsi Prokurorluğundan bildirilib.

Qeyd olunur ki, onun barəsində cinayət işi başlanıb.

Prokurorluqda deyiblər ki, xaricilərlə əlaqəli korrupsiya qalmaqalları arasında bu, ən böyük hadisədir.

İşin digər detalları hələlik açıqlanmır.