"Kanal rəhbəri olsaydım, işdən qovulardım"

“Radioların redaktorlarına hərdən demək istəyirən ki, gənc ifaçılardan pul tələb etməyin. Mahnılarını gündə 3-4 dəfə səsləndirmək üçün pul istəyirlər. Elə ona görə də bizdə yeni ifaçılar yetişmirlər. Çox məşhur bir ifaçının darıxdırıcı mahnısını isə gündə 10 dəfə səsləndirirlər. İnandırım ki, dinləyici radionu bağlayır”.

Axşam.az xəbər verir ki, bu sözləri müğənni-bəstəkar Murad Arif İnstaqramda canlı yayımda deyib. Sənətçi şou-biznesdə yeni ifaçıların yetişməməsinin səbəblərindən danışıb.

Murad “Bir gün kanal rəhbəri kimi oyansanız nə edərdiz” sualına belə cavab verib:

ƏLAQƏLİ

Bunu da oxu

Mayk Tayson İstanbula gəldi: Bu serialda rol alacaq?

27.10.2026 - 12:14

“Hansısa kanalın rəhbəri olsaydım, qısa vaxtda da işdən qovulardım. Bizdə kanallarda reytinq mütləqdir. Bu da səviyyə demək deyil və xalqı maarifləndirmir. Gərək kanalın yaxşı sponsoru olsun və keyfiyyət tələb etsin. Desin ki, bütün dəhşətli aparıcıları, qonaqları, mənasız söhbətləri kanaldan yığışdır və keyfiyyət təqdim et. Onda kanal rəhbəri kimi çalışa bilərəm”.

“Eurovision”dan danışan müğənni “Mən gedə bilmədim, Samirə getsin. O, həmin səhnəyə uyğundur. “Kleopatra” mahnımız bu il getsəydi, ilk onluğa düşərdi. Amma birinci ola bilməzdi. Çünki orada daha güclü mahnılar var idi” sözlərini əlavə edib.