Kərbəlada Azərbaycan şəhidləri yad edildi - FOTOLAR

Bu günlərdə dünyanın müxtəlif ölkələrindən olan müsəlmanlar İraqın Kərbəla şəhərinə yola düşür. Onlar Həzrəti Hüseynin məzarını ziyarət etmək məqsədilə müqəddəs torpaqlara səfər edirlər.

Minval.info xəbər verir ki, həmçinin Azərbaycanın inanclıları ziyarətgaha üz tutub. Məşədi Dadaş Məscidinin imamı, ilahiyyatçı Şahin Həsənli də zəvvarların sırasındadır.

Onun və iştirakı ilə Kərbəla şəhərində yerləşən “İmam Hüseyn” məscidində dini məclis təşkil edilib. İlahiyyatçı və digərləri çıxış zamanı Vətən uğrunda canından keçən Azərbaycan qəhrəmanlarını yad edib.

Bundan əlavə, ziyarət səfərini həyata keçirən turizm şirkəti tərəfindən hazırlanmış köynəklərə Qarabağ savaşlarında həlak olan şəhidlərin rəsmləri həkk edilib. Eyni zamanda onların bir neçəsinin şəkillərinin yer aldığı banner hazırlanıb.

Sözügedən addım insanlar tərəfindən rəğbətlə qarşılanıb və təqdir olunub.