“Kəmalə sevgilisi haqda deyilənləri nə təsdiq, nə də inkar etməyibsə,” – Ayan

Müğənni Ayan Babakişiyeva “Maşın” şouda həmkarı Fuad Musayevin onu şəxsi həyatı ilə “vur”masına münasibət bildirib.

Musavat.com-a açıqlama verən ifaçı qeyd edib ki, F. Musayevlə əlaqə saxlamır: “Onunla münasibətimiz əvvəl necə idisə, indi də elədir. Heç vaxt şəxsi həyatımla gündəmə gəlmək istəməmişəm. Əgər bir insan öz ayağı üzərində durursa, deməli, güclüdür. Şoudan sonra insanların məni daha çox sevdiyinin şahidi oldum. Xüsusilə qadınlar tərəfimi saxladılar”.

İfaçı müğənni Rəqsanənin şouda iştirakçı olan Kəmalə Piriyevanın şəxsi həyatı haqqında verdiyi açıqlamalardan da danışıb: 

“Kəmaləni çox istəyirəm. O bu müddətə qədər susubsa, şəxsi həyatı haqqında deyilənləri nə təsdiq, nə də təkzib etməyibsə, deməli, həqiqət deyil”.

Qeyd edək ki, bir müddət əvvəl müğənni Rəqsanə İsmayılova aparıcı Kəmalə Piriyevanın sevgilisinin restoranı və klinikası olduğunu bildirmiş, onun pulu sayəsində “Maşın” şouda avtomobili qazanacağını iddia etmişdi.