Jenna orteqanın yeni görünüşü pərəstişkarlarını narahat etdi: Səhhəti ilə bağlı nə baş verir?

“Wednesday” serialı ilə dünya miqyasında tanınan Jenna Orteqa son görüntüləri ilə pərəstişkarlarının diqqətini çəkib. 23 yaşlı aktrisanın əvvəlki dövrlə müqayisədə xeyli çəki itirdiyi və görünüşündə ciddi dəyişikliklərin olduğu müşahidə edilib.

Minval.info xəbər verir ki, uşaqlıqdan aktyorluq karyerasına başlayan Jenna Orteqa “Iron Man 3”, “You”, “The Fallout”, “X” və “Scream” kimi məşhur filmlərdə rol alıb. Lakin onun karyerasında ən böyük sıçrayış 2022-ci ildə yayımlanan “Wednesday” serialında Uensdey Addams obrazını canlandırması ilə baş verib.

Orteqanın son görüntülərində üz cizgilərinin daha incə və almacıq sümüklərinin daha qabarıq olduğu qeyd edilib. Bu dəyişikliklər bəzi pərəstişkarlarında onun səhhəti ilə bağlı narahatlıq yaradıb. Aktrisanın çəki itkisi və səhhəti ilə bağlı hələlik rəsmi bir açıqlaması yoxdur.