İspaniyada kiracıların müdafiəsi üçün qanun layihəsi rədd edildi
İspaniya hökumətinin parlamentə təqdim etdiyi qanun layihəsi, 87 yaşlı Marikarmen Abaskalın təxminən 70 ildir yaşadığı Madriddəki mənzildən çıxarılmasının ardından hazırlanmışdı. Bu hadisə, ölkədə konut böhranının simvoluna çevrildi.
Minval.info xəbər verir ki, bir investisiya fondu mənzili satın aldıqdan sonra Abaskalın çıxarılması üçün qərar çıxarılsa da, cəmiyyətdə yaranan sərt reaksiya bu addımın geri çəkilməsinə səbəb oldu. Nəticədə, Abaskal əvvəlki şərtlərlə mənzilinə geri dönə bildi. Lakin bu hadisə, kiracıların hüquqlarının müdafiəsini gündəmə gətirdi.
Parlamentdə rədd edilən qərarnamələr, kiracıların hüquqlarını qorumağı hədəfləyirdi. Təkliflər arasında, müddəti bitən kira müqavilələrinin avtomatik yenilənməsi, zəif kiracıların 2030-cu ilə qədər evdən çıxarılmasının qadağan edilməsi və mövcud müqavilələrdə kira dondurma müddətinin iki il uzadılması kimi tədbirlər var idi.
Qanun layihəsi, həmçinin ucuz mənzilləri toplayan xarici investisiya fondlarını məhdudlaşdırmağı planlaşdırırdı. İspaniyada ortalama kira qiymətləri son on ildə iki dəfə artıb, satılan evlərin qiymətləri isə təxminən 90% yüksəlib.
BBC-nin məlumatına görə, ölkə üzrə 50 şəhərdə etiraz aksiyaları çağırışı edilib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Moldova: Rusiya hava hücumları hava məkanımızı pozdu
Məşhur psixoterapevt Anatoli Kaşpirovski 87 yaşında dünyasını dəyişib
Zelenski: ABŞ ara seçkiləri yaxınlaşdıqca hücumlar şiddətlənəcək
Rusiyanın Kiyevdə ikinci böyük körpüyə zərbəsi: Klitçko açıqladı
Yəməndə hərbi gərginlik artdı: Köçkünlərin sayı 200 minə yaxınlaşır
Rusiya Yaponiyanın remilitarizasiyasına cavab tədbirləri görəcək
