İmişlidə yetkinlik yaşına çatmayan qızın toyu dayandırıldı

İmişli Rayon Polis Şöbəsinin əməkdaşları tərəfindən 31 yaşlı kişi ilə nikah yaşına çatmayan yeniyetmə qızın evlənməsinin qarşısı alınıb. Planlaşdırılan toy mərasimi barədə polisə daxil olan məlumat əsasında dərhal araşdırma aparılıb və tədbirlər nəticəsində oktyabr-noyabr aylarında keçirilməsi nəzərdə tutulan məclisin qarşısı alınıb.

Minval.info xəbər verir ki, Daxili İşlər Nazirliyinin Mətbuat Xidmətinin regional qrupundan verilən məlumata görə, tərəflərin valideynləri polis şöbəsinə dəvət olunaraq onlarla profilaktik və izahedici söhbətlər aparılıb, qanunvericiliyin tələbləri izah olunub.