15.11.2026 - 11:34
Holann UEFA Millətlər Liqasında rekord qırdı
İdman 270 baxış

Holann UEFA Millətlər Liqasında rekord qırdı

Norveç millisinin hücumçusu Erlinq Holann UEFA Millətlər Liqasında yeni rekorda imza atıb. Baku.ws-ın məlumatına görə, Holann bu turnirin tarixində ən çox qol vuran futbolçu kimi şəxsi rekordunu yeniləyib.

26 yaşlı forvard noyabrın 14-də Uelsə qarşı keçirilən ev oyununda (3:1) penaltini dəqiq yerinə yetirərək turnirdəki ümumi qol sayını 23-ə çatdırıb. Onun ən yaxın izləyiciləri isə hərəyə 15 qolla serbiyalı Aleksandr Mitroviç və portuqaliyalı Kriştianu Ronaldudur.

Bu qol norveçli futbolçunun milli komandada keçirdiyi 60-cı oyunda 66-cı qolu olub. O, Norveç yığmasının tarixində ən məhsuldar futbolçu hesab olunur.

Qeyd edək ki, 5 turdan sonra 6 xal toplayan Norveç millisi qrup mərhələsində son oyununu noyabrın 17-də Danimarkaya qarşı səfərdə keçirəcək.

Bu xəbəri paylaş:
Link yaddaşa kopyalandı!

Ən son xəbərləri bizim sosial media səhifələrimizdə izləyin!

Ölkədən və dünyadan ən sürətli canlı yayımları qaçırmamaq üçün bizə abunə olun: