15.11.2026 - 16:14
Koreli tələbə süni zəka ilə kopya çəkməyi etiraf etdi
Dünya 384 baxış

Koreli tələbə süni zəka ilə kopya çəkməyi etiraf etdi

Cənubi Koreyada aprel və iyul aylarında keçirilən vergi mühasibatlığı imtahanlarında hər iki mərhələdə birinci olan namizəd, vəkili vasitəsilə etdiyi açıqlamada, imtahan zalına gətirdiyi mini kamera ilə sualların şəkillərini çəkərək süni zəka vasitəsilə cavabları aldığını və cavabları mobil telefonundan izlədiyini etiraf edib.

Minval.info xəbər verir ki, imtahanı təşkil edən Koreya İnsan Resursları İnkişaf Xidməti, namizədin imtahana girərkən zalda iki nəzarətçinin olduğunu bildirib.

İlk imtahanda “ağıllı eynək” istifadə edərək kopya çəkdiyi iddialarını rədd edən namizəd, 160 sualdan yalnız birini səhv cavablandıraraq 400 üzərindən 397.5 bal toplasa da, bu iddiaları qəbul etməmişdi.

“Han” soyadı ilə tanınan və vəkili Li Don-ho vasitəsilə Yutub hesabında maska taxaraq kamera qarşısına keçən namizəd, etdiklərindən böyük peşmanlıq duyduğunu dilə gətirib. Seul polisi isə namizədin kopya etdiyini yazılı şəkildə etiraf etdiyini bildirib.

AFP-nin məlumatına görə, Han yeni bir iş qurmaq üçün işindən ayrıldıqda maddi çətinliklər yaşadığını və “Pul qazanmaq istədim. Gözəl bir işi tərk edərək ailəmi məyus etdiyim üçün özümü nifrət etdim” deyə qeyd edib.

Vəkili, digər namizədlərin də eyni üsulu sınamaması üçün kopya metodunun daha çox təfərrüatlarını açıqlamayacaqlarını bildirib. Cənubi Koreya, “ağıllı eynəklər”in istifadə edildiyi kopya metodlarına qarşı tədbirlərini artırıb və ötən ay universitetə qəbul imtahanlarında bu cür cihazlardan istifadə edən tələbələrə qarşı hüquqi tədbirlər görməyi planlaşdırıb.

Bu xəbəri paylaş:
Link yaddaşa kopyalandı!

Ən son xəbərləri bizim sosial media səhifələrimizdə izləyin!

Ölkədən və dünyadan ən sürətli canlı yayımları qaçırmamaq üçün bizə abunə olun: