Nurmaqomedovun həbsxanadakı saxlanma şəraiti məlum oldu

Rusiyalı MMA döyüşçüsü Usman Nurmaqomedovun Birləşmiş Ərəb Əmirliklərində saxlanıldığı həbsxanadakı şəraiti ilə bağlı yeni məlumatlar yayılıb. Baku.ws-ın məlumatına görə, “MMA Uncensored” kanalının X sosial şəbəkəsində paylaşdığı məlumata əsasən, idmançının Əbu-Dabidəki “Əl-Vatba” həbsxanasında saxlanılması ehtimal olunur.

Məlumata görə, bu həbsxanada məhbuslar 4-30 nəfərlik ümumi kameralarda saxlanılır. Tualet və duş otaqları da ümumidir. Məhbuslar gündə üç dəfə yeməklə təmin olunur, lakin telefon və internetdən istifadəyə icazə verilmir.

Xatırladaq ki, noyabrın 13-də Usman Nurmaqomedov Əbu-Dabidə baş verən insidentlə əlaqədar 6 ay müddətinə azadlıqdan məhrum edilib. Həmin hadisədə onunla yanaşı daha 7 nəfər də həbs olunub.

300 min dollarlıq brilyant qəza zamanı yoxa çıxdı

ƏLAQƏLİ

Bunu da oxu

300 min dollarlıq brilyant qəza zamanı yoxa çıxdı

14.11.2026 - 12:44

İnsident RAF liqasının media günü zamanı baş verib. Merab Dvalişvili müsahibə verərkən Nurmaqomedov və bir neçə nəfər ona yaxınlaşaraq zərbə endirib. Hadisənin görüntüləri sosial şəbəkələrdə geniş yayılıb.

UFC çempionu İslam Mahaçev isə bu hadisənin Dvalişvilinin daha əvvəl Nurmaqomedovun anasını təhqir etməsi ilə əlaqədar olduğunu irəli sürüb.

Bununla yanaşı, Nurmaqomedovun həqiqətən “Əl-Vatba” həbsxanasında saxlanıldığı barədə rəsmi təsdiq yoxdur.