Heyvan xəstəliklərinə qarşı AQTA-dan ciddi tədbirlər

Payız-qış mövsümündə heyvanlar arasında xüsusi təhlükəli, zoonoz və digər yoluxucu xəstəliklərin yayılmasının qarşısının alınması məqsədilə tədbirlər davam etdirilir. Azərbaycan Qida Təhlükəsizliyi Agentliyi (AQTA) ölkə üzrə müxtəlif heyvanlar arasında xəstəliklərin erkən aşkarlanması və yayılmasının qarşısının alınması üçün planlı epizootoloji monitorinqlər həyata keçirir.

Minval.info xəbər verir ki, monitorinqlər zamanı təsərrüfatlara baxış keçirilir, klinik müşahidələr aparılır və laborator müayinələr üçün nümunələr götürülür. Eyni zamanda, epizootoloji məlumatlar toplanaraq təhlil edilir və müvafiq göstəricilər elektron sistemdə qeydiyyata alınır. Heyvan sahibləri və təsərrüfat subyektləri arasında maarifləndirmə tədbirləri də təşkil olunur.

AQTA-nın məlumatına görə, heyvanların identifikasiyası və qeydiyyatı xəstəliklərə qarşı profilaktik tədbirlərin daha effektiv aparılmasına imkan yaradır. AQTİS-də qeydiyyata alınan məlumatlar vasitəsilə heyvanların hərəkətini izləmək, riskli təsərrüfatları müəyyənləşdirmək və peyvəndləmə kimi baytarlıq tədbirlərini planlaşdırmaq mümkündür. Xəstəlik halı qeydə alındıqda mənbənin və təmasda olmuş heyvanların operativ müəyyənləşdirilməsi də bu sistem vasitəsilə asanlaşır.

ƏLAQƏLİ

Bunu da oxu

Lənkəranın turizm cazibəsi mediaya tanıdıldı

10.09.2026 - 15:21

Bununla yanaşı, Ümumdünya Heyvan Sağlamlığı Təşkilatından daxil olan məlumatlar əsasında xaricdən yoluxucu heyvan xəstəliklərinin ölkəyə keçməsinin qarşısının alınması istiqamətində nəzarət tədbirləri aparılır. Müvafiq tədbirlər ilboyu, o cümlədən payız-qış mövsümündə xəstəliklərin yayılma riskləri nəzərə alınmaqla davam etdirilir.