“İtaliya və İspaniyada nələr baş verir. Onlar da bizim kimi emosional, bir-birini öpüb-qucaqlayan insanlardır. Görün, bir günə neçə yüz insan vəfat edir. Karantinin ciddiliyi özümüzü, böyüklərimizi qorumaqdır”.

Bu sözləri Xalq artisti Faiq Ağayev “Xəzər” TV-də yayımlanan “5/5” proqramında deyib.

O, günlərdir anasını görmədiyini bildirib:

“Anam 76 yaşındadır, tək qalır. Uzaqda yaşamır, evlərimiz yaxındır. Rəhmətlik atam tələb qoymuşdu ki, mənim arvadım sizə qulluqçu deyil. Görmək istəyirsinizsə, gəlin, yeyin için, sonra evinizə gedin. Qoyun, tək – bəy balası kimi yaşasın. Atam bunu vəsiyyət etdi. Novruz bayramından bəri onu görmürəm. Nəsə bazarlıq lazım olur, alıram. Görəndə də maskalı, əlcəkli paketləri qapısının ağzına qoyuram, uzaqdan salamlaşırıq. Yaşlı insanlarımız niyə küçəyə çıxır? Niyə sizi polis tutub evə aparmalıdır? Hamı özünə güvənir, deyir ki, mən yoluxmayacam. Bu virusun dadı, iyi yoxdur. Haradan biləcəksiniz ki, yoxulmusunuz? Bir-birimizə dəstək olmalıyıq. Qonşunuz da tək yaşayan insanlar var. Zəng edin, qapısını döyün, bəlkə nəsə lazımdır”.