Güneyli bəstəkarın 100 minlik tələbi: Azərbaycanlı müğənnilərlə gərginlik artır

Cənubi Azərbaycandan olan bəstəkar Mənsur Daneşvarın “Nazlanma” adlı mahnısı ilə bağlı yaranan mübahisə davam edir. Bəstəkar, mahnının icazəsiz ifa edildiyini iddia edərək, azərbaycanlı müğənnilər Vasif Məhərrəmli və Vəfa Şərifovadan 100 min manat təzminat tələb edir.

Minval.info xəbər verir ki, bəstəkar, mahnının ifaçıları ilə bağlı sərt ittihamlar irəli sürərək, onları “oğru” adlandırıb. Sərxan Kərəmoğlu isə bu ittihamlara cavab verərək, Mənsur Daneşvarın iddialarını əsassız adlandırıb və onu böhtan atmaqda günahlandırıb.

Mənsur Daneşvar, mahnısının Vasif Məhərrəmlinin “YouTube” kanalından silinməsinə nail olsa da, Vəfa Şərifovanın ifasının hələ də platformada olduğunu bildirir. Bəstəkar, müğənnilərin onun müəllif hüquqlarını pozduğunu və bu səbəbdən məhkəməyə müraciət edəcəyini açıqlayıb.