Generalın qohumu ilə kütləvi davada iştirak edən gənclərdən daha biri saxlanıldı

Bakıda kütləvi dava və atışmada iştirak edən gənclərdən daha biri saxlanılıb.

Minval.info “Report”a istinadən xəbər verir ki, bu, 30 yaşlı Aqşin Salmanovdur.

Qeyd edək ki, indiyədək hadisə ilə əlaqədar Bakı şəhər sakinləri İsa Əzizov, Samir Binnətəliyev, Rəcəb Həmidov, Telman Balayev və Valid Məmmədli saxlanılmışdı.

ƏLAQƏLİ

Bunu da oxu

Təxribat cəhdlərinin heç bir nəticəsi olmayacaq – Partiya sədrindən sərt mövqe

15.10.2026 - 01:43

Xatırladaq ki, hadisə mayın 13-də axşam saatlarında Nərimanov rayonu, Aşıq Molla Cümə küçəsində qeydə alınıb. Bakı sakinləri Əzizov İsa Nadir oğlu və Binnətəliyev Samir Teyyub oğlu onlarla birlikdə olan digər şəxslərlə bir-birilərinə xəsarət yetiriblər. Hadisə zamanı onlardan biri əlindəki “Vinçester” markalı silahdan atəş açıb.

İ.Əzizov tutularkən polis əməkdaşlarına bıçaqla müqavimət göstərib.

Hadisə zamanı kütləvi davanın iştirakçılarından “Vinçester” markalı tüfəng, iki ədəd beşbarmaq, bıçaq və tapança darağı götürülüb.

ƏLAQƏLİ

Bunu da oxu

"Məni ən çox azyaşlı qızlarımızın taleyi düşündürür"

14.10.2026 - 23:00

Faktla əlaqədar Cinayət Məcəlləsinin 221 (Xuliqanlıq), 228 (Qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) və 315-ci (Hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə cinayət işi açılıb.

Hadisənin iştirakçılarından olan İ.Əzizov Ədliyyə nazirinin müavini, general-leytenant Məhərrəm Əliyevin və deputat Adil Əliyevin qohumudur.