Flora Kərimova: Afətlə barışmadım, yalan xəbərdir!

Xalq artisti Flora Kərimova, müğənni Afət Fərmanqızı ilə barışdığına dair yayılan məlumatlara sərt reaksiya verib. O, bu xəbərlərin əsassız olduğunu bildirərək, yayılan məlumatı yalan adlandırıb.

Minval.info xəbər verir ki, Flora Kərimova sosial şəbəkələrdə yayılan xəbərin şərh bölməsində öz fikirlərini ifadə edərək, Afət Fərmanqızı ilə barışmadığını vurğulayıb. O, bu cür yalan məlumatların onun bioqrafiyasında qalacağını və bu xəbərlərin yalançı və təhqiredici olduğunu qeyd edib.

Flora Kərimova, “Flora Kərimova Afətlə barışdı” deyə yayılan xəbərlərin onun üçün qəbul edilməz olduğunu və bu cür söyüş və böhtanlarla barışmayacağını bildirib. O, bu cür xəbərlərin onun şəxsiyyətinə və vicdanına uyğun olmadığını ifadə edib.