Fidan Hacıyeva 50 yaşını opera festivalı ilə qeyd edir
Xalq artisti Fidan Hacıyeva 50 yaşını III Beynəlxalq Opera Festivalı ilə qeyd edir. Bu festival çərçivəsində keçirilən konsert proqramında Fidan Hacıyeva ilə yanaşı, gənc solistlər də iştirak ediblər. İfaçılar Azərbaycan və dünya bəstəkarlarının əsərlərindən nümunələr təqdim ediblər.
Minval.info xəbər verir ki, bu il festival Xalq artistinin 50 illik yubileyinə və 30 illik yaradıcılıq fəaliyyətinə həsr olunub. Üç ay davam edəcək festival 7 sentyabrdan 7 dekabradək Bakı və Azərbaycanın müxtəlif şəhərləri ilə yanaşı, xarici ölkələri də əhatə edəcək.
Festival çərçivəsində opera və kamera musiqisi gecələri, simfonik konsertlər, ustad dərsləri, ədəbi-bədii görüşlər və müxtəlif maarifləndirici tədbirlərin təşkili nəzərdə tutulub. Proqramın bir sıra tədbirləri ali təhsil müəssisələrində keçiriləcək.
Festivalın əsas istiqamətlərindən biri “Gənc səslər gələcəyə səslənir” layihəsidir. Layihənin məqsədi istedadlı gənc vokalçıları üzə çıxarmaq, onların peşəkar səhnəyə yolunu açmaq və gənclər arasında opera sənətinə marağı artırmaqdır. Layihə çərçivəsində gənc ifaçılar tanınmış sənətçilərlə eyni səhnəni bölüşəcək, həmçinin solo konsert proqramları ilə çıxış edəcəklər.
III Beynəlxalq Opera Festivalı Azərbaycan sərhədlərindən kənarda da davam edəcək. Beynəlxalq proqram çərçivəsində Fidan Hacıyevanın Paris, London, Milan və Minskdə çıxışları planlaşdırılır.
Festivalın rəsmi açılışı sentyabrın 7-də Müslüm Maqomayev adına Azərbaycan Dövlət Akademik Filarmoniyasında keçiriləcək. Üç aylıq musiqi marafonuna dekabrın 7-də Heydər Əliyev Sarayında “Karmen. Sənətkarın həyatının yarım əsri” adlı möhtəşəm qala-konsertlə yekun vurulacaq.
Qala-konsertdə Niyazi adına Dövlət Simfonik Orkestri Xalq artisti Yalçın Adıgözəlovun dirijorluğu ilə çıxış edəcək. Gecədə Jorj Bizenin məşhur “Karmen” operasından fraqmentlərlə yanaşı, Azərbaycan və dünya klassik musiqisinin seçilmiş nümunələri səsləndiriləcək. Konsertin xüsusi qonaqları sırasında İspaniyadan dəvət olunan flamenko kollektivi də yer alacaq.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Türkiyədə aktyor Serhat Mustafa Kılıç vəfat etdi
Alen Simonyan ailə həyatı qurdu
Sibel Can 11 yaş kiçik sevgilisi ilə evlənir
Seda Sayandan səhnədə romantik etiraflar!
Bakıda qardaşlar arasında avtomobil qalmaqalı!
Nina Dobrev Venesiya festivalında qırmızı xalçadan çıxarıldı
Toydan dönən sürücü qəzaya düşdü: Yaralılar var
