Fədayə Laçın: Çətinliklər, xəyanət və həbsxanada öyrəndiklərim

Müğənni Fədayə Laçın şəxsi həyatı ilə bağlı maraqlı açıqlamalar verib. O, ailəsində yaşadığı çətinliklərdən danışaraq, atasının anasına xəyanət etdiyini və bu səbəbdən valideynlərinin ayrıldığını bildirib.

Minval.info xəbər verir ki, Fədayə Laçın “Astar” adlı Yutub layihəsində çıxış edərək, atasının anasına xəyanət etdiyini və nəticədə valideynlərinin yollarını ayırdığını qeyd edib. O, atasının yenidən ailə qurduğunu və anasının da başqa biri ilə evləndiyini, lakin ögey atasının ona qarşı sərt davrandığını vurğulayıb.

Fədayə Laçın, həmçinin həbsxana həyatından danışaraq, bu dövrün onun üçün bir həyat dərsi olduğunu deyib. O, başına gələn hər hadisənin bir hikmət daşıdığını və bu təcrübələrin ona insanları daha yaxşı tanımaq imkanı verdiyini bildirib. Müğənni, həbsxanada olduğu müddətdə yalnız ailəsinin onu ziyarət etdiyini və bu dövrdə insanların ona qarşı sevgi dolu münasibət göstərdiyini vurğulayıb.