Erməninin azərbaycanlı bilib bıçaqladığı diş həkimi öldü

Xəbər verdiyimiz kimi, dekabrın 13-də Rusiyanın paytaxtı Moskva şəhərində Murad Oqanesyan adlı şəxs özəl klinikalardan birinə daxil olaraq Camal Odilov adlı diş həkiminə bıçaqla hücum edib.

“Minval.info” Moskva prokurorluğuna istinadən xəbər verir ki, qarın nahiyəsindən yaralanan 41 yaşlı həkim xəstəxanada dünyasını dəyişib.

Azərbaycan Ombudsman Aparatının verdiyi məlumata görə, polis əməkdaşları tərəfindən saxlanılan erməni əsilli M.Oqanesyan dindirilmə zamanı müstəntiqə cinayət əməlini törətmə səbəbindən danışarkən Camal Odilovun məhz azərbaycanlı olduğunu düşündüyü üçün öldürmək istədiyini bildirib.

Rusiya mediasının yazdığına görə, həkim Camal Odilov Özbəkistandandır. Murad Oqanesyan müalicənin nəticəsindən razı olmadığından ona hücum edib.