Dünyada 3,3 milyon insan koronavirusa yoluxub

Bütün dünyada 3 308 290 nəfər koronavirusa yoluxub.

Bu barədə Oxu.Az-ın onlayn statistikasında qeyd edilir.

Dünyada COVID-19-a ən çox yoluxma ABŞ-da (1 095 210 nəfər) qeydə alınıb. Bu ölkə ölüm sayına (63 861 nəfər) görə də antirekordu əlində saxlayır. Yoluxma sayına görə ikinci yerdə İspaniya (239 639 nəfər), üçüncü yerdə isə İtaliya (205 463 nəfər) qərarlaşıb.

Azərbaycana qonşu olan dövlətlərdən üçü yoluxma sayına görə ilk onluğa daxildir. İlk onluqda Türkiyə yeddinci (120 204 nəfər), Rusiya səkkizinci (106 498 nəfər), İran isə doqquzuncudur (94 640 nəfər).

Qeyd edək ki, koronavirus indiyə qədər bütün dünyada 234 108 insanın həyatına son qoyub, 1 042 841 nəfər sağalıb.