Direktor vəzifəsinə sənəd qəbulu uzadıldı

Direktor vəzifəsinə işə qəbul müsabiqəsi üçün elektron sənəd qəbulunun müddəti uzadılıb. 18 avqust 2026-cı il tarixindən etibarən dövlət ümumi təhsil müəssisələrində vakant direktor vəzifələri üçün elektron sənəd qəbulu mərhələsi başlamışdır. Namizədlər 24 avqust 2026-cı il saat 11:00-dək miq.edu.az portalı vasitəsilə elektron qeydiyyatdan keçə bilərlər.

Minval.info xəbər verir ki, seçim mərhələsində namizədlərin təqdim etdikləri məlumat və sənədlərin düzgünlüyü yoxlanılacaq. Bu mərhələni uğurla başa vuran namizədlər müsahibə mərhələsində iştirak etmək hüququ qazanacaqlar. Müsabiqənin nəticələri namizədlərin şəxsi səhifələrində yerləşdiriləcək və uğur qazanan namizədlərlə əmək münasibətləri mövcud qanunvericiliyə uyğun olaraq rəsmiləşdiriləcək.