Direktor müavini olmaq istəyənlər üçün şans!

Direktor müavini vəzifəsinə maraq göstərən şəxslər üçün işə qəbul prosesinin elektron qeydiyyat mərhələsi başlayıb. Bu barədə Məktəbəqədər və Ümumi Təhsil üzrə Dövlət Agentliyi məlumat yayıb.

Minval.info xəbər verir ki, bu gün saat 15:00-dan etibarən təlim-tərbiyə işləri üzrə direktor müavini və digər profillər üzrə vakant olan vəzifələrə işə qəbul üçün elektron sənəd qəbulu mərhələsinə start verilib. Namizədlər 27 avqust saat 15:00-dək miq.edu.az/muavin linki vasitəsilə qeydiyyatdan keçə bilərlər.

Müsabiqə seçim və müsahibə mərhələlərindən ibarət olacaq. Seçim mərhələsində namizədlərin təqdim etdiyi məlumat və sənədlərin düzgünlüyü yoxlanıldıqdan sonra müsahibə mərhələsinə buraxılacaqlar. Müsahibə mərhələsində namizədlər liderlik və strateji idarəetmə, pedaqoji və tədris, idarəçilik və təşkilatçılıq, ünsiyyət və əlaqə, problemlərin həlli və qərarvermə, rəqəmsal və texnoloji, eləcə də sosial və emosional bacarıqları üzrə qiymətləndiriləcəklər.