Diana Əhədpur: "Həyatımın ən dəli qərarı məndən yaşca böyük kişiyə ərə getmək idi"

Keçmiş model Diana Əhədpur sosial şəbəkədə izləyicilərinin suallarını cavablandırarkən şəxsi həyatı, uğuru və həyata baxışı ilə bağlı açıqlamalar verib.

Minval.info xəbər verir ki, o, uşaqlıqda yaşadığı çətinliklərin gələcək həyatına böyük təsir göstərdiyini bildirib.

Diana Əhədpurun sözlərinə görə, kasıbçılıq şəraitində böyüməsi ona gələcəkdə uğurlu və təminatlı həyat qurmaq üçün motivasiya verib.

“Özümə söz verdim ki, böyüyəndə çox yaxşı həyatım olacaq, varlı olacağam, ailəmə və ətrafımdakı insanlara kömək edəcəyəm. Niyyət etdim və istədiyim həyata nail oldum”.

Keçmiş model bildirib ki, insanların onu bəzən özündənrazı hesab etməsi düzgün deyil:

“Mən sadəcə özümə inanıram. Özündənrazı olmaqla özünə inanmaq tamamilə fərqli anlayışlardır”.

O, xoşbəxtliyin üç əsas şərtinin pul, sağlamlıq və sevgi olduğunu vurğulayıb. Diana Əhədpur əlavə edib ki, dəbdəbəli həyatını özünəinamına borcludur və sağlamlıqla sevginin pulla əldə edilə bilməyəcəyini düşünür.

Qadınlara da tövsiyələr verən keçmiş model əvvəlcə insanın özünü sevməsinin vacibliyini qeyd edib və heç bir qadının kişinin arxasınca qaçmamalı olduğunu söyləyib.

Şəxsi həyatından da danışan Diana Əhədpur həyatındakı ən cəsarətli addımın özündən yaşca böyük bir şəxslə ailə qurmaq olduğunu bildirib.

“Həyatımın ən dəli qərarı məndən yaşca böyük bir insana ərə getmək idi. Hər qadın bunu bacarmaz”.