Daxili İşlərə mopedlərin məlumat bazası tapşırıldı

Daxili İşlər Nazirliyinə yeni vəzifə təyin edilib. Nazirlər Kabinetinin qərarına əsasən, Nazirlik Maliyyə Monitorinqi Xidmətinin “Şübhəli əməliyyatların monitorinqi” informasiya sisteminə inteqrasiya olunmuş məlumatları təmin etməlidir. Bu məlumatlar mopedlərə aid olan nəqliyyat vasitələrinin növü, markası, modeli, tipi, dövlət qeydiyyat nömrəsi, sahibinin soyadı, adı, atasının adı və şəxsiyyətini təsdiq edən sənədin seriyası, nömrəsi və FİN-i əhatə edir.

Minval.info xəbər verir ki, bu qərar Daxili İşlər Nazirliyinin Maliyyə Monitorinqi Xidmətinə elektron qaydada sorğu əsasında məlumatların təxirə salınmadan çatdırılmasını təmin etməyi nəzərdə tutur.