Coli məşhur reperlə sevgilidir?

Hollivud ulduzu Ancelina Coli özündən 15 yaş kiçik reper “The Weeknd”lə münasibətdə olması ilə bağlı iddialara aydınlıq gətirib.

Minval.info xəbər verir ki, bir neçə ay əvvəl birlikdə eyni məkanlarda görüntülənən aktrisa və reper bununla bağlı hər hansı açıqlama verməyib.

Lakin ötən gün Coli “E! ‘S Daily Pop”a verdiyi müsahibə zamanı “The Weeknd”lə əlaqəsinin hansı məcrada olmasına dair sualı cavablandırmalı olub. Bununla belə, o, şayiələrə aydınlıq gətirmək əvəzinə münasibətlərini müzakirə etməkdən qaçmağı seçib. Aktrisa aparıcının “Övladlarını daha çox sevindirən nə olub: “The Eternals” filmindəki rolu, ya “The Weeknd”lə olan dostluğu?” sualını belə cavablandırıb:

“Onlar bu film üçün çox həyəcanlıdırlar. Əgər, demək istədiyin budursa…”.

Qeyd edək ki, paparatsilər Colinin reperlə olan münasibətindən əmin olduqları kimi, keçmiş həyat yoldaşı Conni Li Millerlə də görüşdüyünü diqqət mərkəzində saxlamağa çalışırlar.