Çempionlar Liqası: "Liverpul" və "Tottenhem" qələbə qazanıb - VİDEO
UEFA Çempionlar Liqasında 1/4 final mərhələsinə start verilib.
“Report”un məlumatına görə, ilk oyun günündə hər iki qarşılaşma İngiltərədə təşkil olunub. Üz-üzə gələn komandalardan 3-ü məhz bu ölkənin təmsilçiləri olub. Londondakı yeni və eyniadlı arenasında “Tottenhem” “Mançester Siti”ni qəbul edib.
13-cü dəqiqədə VAR sisteminə müraciətdən sonra təyin olunmuş penaltini qonaq komandanın futbolçusu Serxio Aqüero dəqiq yerinə yetirə bilməyib. Əvəzində 78-ci dəqiqədə meydan sahiblərinin cənubi koreyalı legioneri Son Hın Min fərdi ustalığı sayəsində dəqiq zərbə endirib. Bu qol sayəsində “Tottenhem” minimal hesablı qələbə qazanıb.
Gecənin digər qarşılaşmasında Premyer Liqanın lideri “Liverpul” Portuqaliya “Portu”sunu qəbul edib. Matçın taleyi elə ilk yarıda həll olunub. Nəbi Keyta 5-ci, Roberto Firmino isə 26-cı dəqiqədə fərqlənərək, meydan sahiblərinə inamlı qələbə qazandırıb.
1/4 final mərhələsinin daha iki ilk oyunu bu gün keçiriləcək. Hollandiyada “Ayaks” İtaliya “Yuventus”unu, İspaniyada isə “Barselona” İngiltərə “Mançester Yunayted”ini qəbul edəcək. Cavab görüşləri 16-17 apreldə olacaq.
Çempionlar Liqası
1/4 final, ilk oyunlar
23:00. “Tottenhem” (İngiltərə) – “Mançester Siti” (İngiltərə) – 1:0
ƏLAQƏLİ
Ronaldo və Jezuş arasında gərginlik: azarkeşləri narahat edən mübahisə
Qol: Son Hın Min, 78
Dəqiq yerinə yetirilməyən penalti: Serxio Aquero, 13 (“Mançester Siti”)
Baş hakim: Byorn Keypers (Hollandiya)
London. “Tottenhem” stadionu
23:00. “Liverpul” (İngiltərə) – “Portu” (Portuqaliya) – 2:0
Qollar: Nəbi Keyta, 5. Roberto Firmino, 26
Baş hakim: Antonio Mateu Laos (İspaniya)
Liverpul. “Enfild” stadionu.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Ronaldo cəzalandırılmasına belə reaksiya verdi
Ailəsini də götürüb Əbu-Dabiyə getdi: Gürcü ilə döyüşmək üçün
Ronaldo və Jezuş arasında gərginlik: azarkeşləri narahat edən mübahisə
Azərbaycan güləşçiləri dünya çempionatında 3 gümüş medal qazanıblar
Ronaldo, Messi ilə rəqabətindən danışdı: Formula 1 əfsanələri kimi
Əfsanəvi boksçu Vilfredo Qomes 69 yaşında vəfat etdi
Cəmilə Muradlı Avropa çempionu adını qazandı
