Ceki Çan Bakıda: Əfsanəvi aktyorun yeni macəra filmi üçün çəkilişlər başladı

Əfsanəvi aktyor Ceki Çan, beynəlxalq macəra filmi ‘Tanrının Zirehi 4: Ultimatum’un bəzi səhnələrinin çəkilişləri üçün Bakıya gəlib. Bu barədə məlumat verilir ki, aktyor təxminən on gün müddətində Azərbaycanın paytaxtında qalacaq.

Minval.info xəbər verir ki, filmin əsas çəkilişləri Qazaxıstanda baş tutub və artıq Manqistau, Almatı vilayətləri və Almatı şəhərində çəkilişlər aparılıb. Azərbaycan isə Qazaxıstanın təklifi ilə çəkilişlərin keçirildiyi ikinci ölkə olaraq seçilib.

Filmin istehsalını Qazaxıstanın Salem Entertainment kinostudiyası həyata keçirir. Layihənin prodüseri Rüstəm Omarov, rejissoru isə Ceki Çan tərəfindən təsdiqlənmiş qazaxıstanlı rejissor və kaskadyor Robert Kundurdur. Bakıda çəkilişlərin təşkilinə Qazaxıstanın Azərbaycandakı səfirliyi dəstək verir.

Cici hadid və bredli kuper Parisdə eyni üzüklərlə: Gizli toyun sirri açılır?

ƏLAQƏLİ

Bunu da oxu

Cici hadid və bredli kuper Parisdə eyni üzüklərlə: Gizli toyun sirri açılır?

04.08.2026 - 12:27

Bakıda çəkilişlər üçün şəhərin ən tanınmış məkanları seçilib. Filmdə İçərişəhər, Dağüstü park, Bakı funikulyoru, Yaşıl Teatr və Fəvvarələr meydanı kimi yerlər yer alacaq.

Bu layihə, Qazaxıstan və Azərbaycanın iştirakı ilə həyata keçirilən və son illərdə Mərkəzi Asiya ilə Cənubi Qafqazda ərsəyə gətirilən ən iri beynəlxalq kino layihələrindən biri hesab olunur. Hər iki ölkənin çəkilişlərdə iştirakı, kino sənayesi sahəsində regional əməkdaşlığın genişlənməsini əks etdirir və onların mədəni-turizm potensialının beynəlxalq səviyyədə tanıdılması üçün əlavə imkanlar yaradır.

‘Tanrının Zirehi 4: Ultimatum’, məşhur film seriyasının davamıdır. Ceki Çan, 13 ildən sonra yenidən ‘Asiya şahini’ ləqəbli əfsanəvi macəraçı obrazını canlandıracaq. Filmin premyerası 2027-ci ildə nəzərdə tutulur.