Çağla Öz 44 milyonluq qızıl qalmaqalında saxlanıldı

Təmtəraqlı toy mərasimi ilə diqqət çəkən və sosial mediada “Vanlı Kara Haydar” adı ilə tanınan iş adamı Mehmet Fatih Tançalanın həyat yoldaşı Çağla Öz də hüquq-mühafizə orqanları tərəfindən saxlanılıb. İstintaq çərçivəsində Mehmet Fatih Tançalanın “Türk millətini, Türkiyə Respublikası dövlətini və dövlətin qurumlarını təhqir etmə” ittihamı ilə həbs edilməsi ilə başlayan proses, çirkli pulların yuyulması maddəsi üzrə araşdırmalarla davam edir.

Minval.info xəbər verir ki, istintaqın diqqət mərkəzində cütlüyün 6 sentyabr 2026-cı il tarixində keçirilən dəbdəbəli toy mərasimi dayanır. Toyda ümumi dəyəri 44 milyon lirə olan qızıl-ziynət əşyaları, xarici valyuta və nağd pulların mənşəyi hüquq-mühafizə orqanları tərəfindən araşdırılır.

Müstəntiqlər, cütlüyün rəsmi gəlirləri ilə nümayiş etdirdikləri yüksək həyat standartı arasındakı uyğunsuzluğu əsas götürərək, toydakı sərvətin mənbəyini ortaya çıxarmağa çalışırlar. Hazırda istintaq davam etdirilir.