"Bu "sirrin" arxasında 26 ilim dayanır..." - VİDEO

HITMAKER Murad Arif “İncə səhər” verilişində uğurunun sirrindən danışıb.

Minval.info-nun xəbərinə əsasən, sənətçi bildirib ki, həyatında dönüş nöqtələrindən biri “The Secret” kitabını oxuması olub.

HITMAKER deyib ki, uğura aparan yol dörd əsas mərhələdən ibarətdir:

“Əvvəl arzulayırsan, sonra öyrənirsən. Öyrənmək çox önəmlidir. Mən 12 ildir vokal dərsləri alıram. Çünki sənətdə daim inkişaf etmək istəyirəm.

Üçüncü mərhələ təcrübə toplamaqdır. Təcrübə insanı irəli aparır. Eyni zamanda sənət yoldaşlarının uğuruna sevinməyi bacarmalısan, onların zirvəsində gözün qalmamalıdır. Sonda isə şükür edirsən. Məncə, uğurun formulu məhz bu dörd məqamdan ibarətdir.
Əlbəttə ki, bu “sirrin” arxasında əsas da mənim enişli-yoxuşlu 26 ilim dayanır…”