Bu meyvə qocalığın qarşısını alır

Nar və nar şirəsi müəyyən yaşlanma proseslərinin yavaşlamasına səbəb olur.

Trend bildirir ki, bu qənaətə İsveçrə Bioinformatika İnstitutu və Lozanna Politexnik Məktəbinin bir qrup mütəxəssisi gəlib.

Aparılan müşahidələr nəticəsində urolitin A maddəsi 50 yaşa çatarkən gücünü itirməyə başlayan əzələlərdə mitoxondrilərin funksiyasını gücləndirir. Bu maddə nar şirəsində və bəzi taxıllarda var.

Qeyd olunur ki, müşahidələr 60 nəfər yaşlı üzərində 28 gün ərzində aparılıb.