“Bu ilin ilk 9 ayında maliyyə rekordu qırmışıq”

“Bu ilin ilk 9 ayında “Petkim” tarixində maliyyə rekordunu qırıb. Hazırda şirkətin illik istehsal həcmi 3.6 min tondur”. 

“Minval.info” xəbər verir ki, bunu SOCAR Türkiyə Neft emalı və Neft-kimya birliyinin baş direktoru və “Petkim”in baş direktoru Anar Məmmədov İzmirdə keçirdiyi mətbuat konfransında bildirib.

O qeyd edib ki, “Petkim” 15 əsas istehsal müəssisəsində və 6 köməkçi müəssisədə 60-a yaxın müxtəlif növ məhsul istehsal olunur: ““Petkim”də 50-dən çox ölkəyə məhsul ixrac edirik. Türkiyədə yeganə neft-kimyə istehsalçısıyıq. Türkiyə bazarı o qədər tez böyüyür ki, biz dəyişiklik eləməsək də, payımız azalır. İllik 3.6 milyon ton istehsal gücünə malikdir. Son 5 ildə – 2016-2021-ci illər ərzində ortalama ebitda illik 380 milyon dollar olub”.

Qeyd edək ki, “Petkim” 2008-ci ildə Özəlləşdirmə İdarəsindən 2 milyard 40 milyon dollara satın alınıb. Türkiyədəki ilk və tək inteqrasiya olunmuş Neft-Kimya Zavodudur. 2020-ci ilin ixrac rəqəmi 574 milyon dollar təşkil edir. 2008-ci ildən bəri hər il “Petkim”ə təxminən 100 milyon dollar investisiya qoyulub. Bu investisiyaların hamısı Petkimin öz imkanları hesabına təmin edilib. Qoyulan əlavə investisiyaların ümumi məbləği 1 milyard dollara çatıb.