Azərbaycanda daha 90 məktəb təmayülə keçir

Azərbaycanda təmayül tədris modelinin tətbiqi genişlənir. Məktəbəqədər və Ümumi Təhsil üzrə Dövlət Agentliyinin (MÜTDA) direktoru Eşqi Bağırovun verdiyi məlumata görə, bu modelin tətbiq olunduğu məktəblərin sayı artırılacaq. O, İctimai Televiziyada yayımlanan “Pressinq” verilişində bildirib ki, bu məktəblərin nəticələri əvvəlki illərlə müqayisədə daha yüksəkdir və ali təhsil müəssisələrinə qəbul göstəriciləri ilə müqayisədə müsbət fərqlənir.

Minval.info xəbər verir ki, E. Bağırovun sözlərinə görə, layihənin əhatə dairəsinin genişləndirilməsi qərarı verilib və yaxın zamanda daha 90 məktəb bu layihəyə qoşulacaq. Artıq 16 minə yaxın valideyn müraciəti qeydə alınıb və həmin məktəblərdə tədris prosesinə başlanılıb. Ümid edilir ki, növbəti tədris ilinin sonunda bu məktəblər də yüksək nəticələr göstərəcək.