Bu həkimlər də koronavirusun qurbanı oldu

Azərbaycanda koronavirusla mübarizə aparan daha iki həkim vəfat edib.

“Minval.info” xəbər verir ki, bu barədə TƏBİB məlumat yayıb.

Onlar 8 saylı Şəhər poliklinikasının həkim-terapevti Həbibə Nəzərova və M.Ə. Əfəndiyev adına 2 nömrəli Şəhər klinik xəstəxanasının həkim-terapevti İntizar Məmmədovadır.

“Hər iki həmkarımız yüzlərlə koronaviruslu xəstəyə yenidən həyat bəxş edib. Lakin çox təəssüf ki, özləri də bu amansız xəstəliyin qurbanına çevrilərək həyatlarını itiriblər. Dəyərli həkimlərimizə Allahdan rəhmət diləyir, yaxınlarına dərin hüznlə başsağlığı veririk”, – TƏBİB-in məlumatında qeyd olunur.