“Bu çəkilişlərin ucbatından biz də virusa yoluxuruq” – Xatun

"Bu çəkilişlərin ucbatından biz də virusa yoluxuruq" - Xatun

“Koronavirus keçirməmək mümkünsüz həddə gəlib çatıb. Nə qədər qorunsam da, deyilənlərə əməl etsəm də, virusa mən də yoluxdum. Çünki daşıyıcılar aramızdadır, insanların çoxu məsuliyyətsizdir”.Axşam.az xəbər verir ki, bu sözləri müğənni Xatun Əliyeva bildirib. Koronavirus infeksiyasına yoluxan sənətçi ətrafında olan insanları günahlandırıb:

“Çoxları daşıyıcı olduğu halda rahat insanlar arasına çıxır, ətrafında olan hər kəsi də yoluxdurur. Biz sənət adamları məcburuq hansısa tədbirə, çəkilişlərdə iştirak edək. Amma bu insanların ucbatından biz də yoluxuruq. İndi məcburam ki, bütün işimi yox sayıb evə qapanım, çünki ətrafımdakıların canını da düşünürəm. Yazıqdır bu camaat. Bir ildir bu virus yaxamızı buraxmır. Niyə vəziyyətin ciddiliyini düşünmürsünüz. Hər gün bu virusun aldığı canların sayını xoşunuza gəlir?

Hərə öz canına sahib olsun. Bir az özünüzü narahat hiss etdinizsə, həkimə müraciət edin. Evdən çıxmayın. Eləsi də var ki, üç-beş günə özünü yaxşı hiss edir və çıxır evdən. Bəlkə sənin vecinə almadığın, asan keçirdiyin virus başqası üçün ölüm səbəbidir. Belə olanda da virus bitmir”.