"Bu ayrılıq nədən oldu?" - Günay

Müğənni Günay İbrahimli yeni ifasını təqdim edib.

Minval.info xəbər verir ki, ifaçı bu dəfə sözləri Bəxtiyar Vahabzadə, musiqisi Şəfiqə Axundovaya aid olan “Nədən oldu” mahnısını fərqli tərzdə səsləndirib.

“Nədən oldu” üçün hazırlanan videoda ifaçının yeni fotosessiyasından istifadə edilib. Günay niyə məhz sözügedən mahnıya müraciət etməsinə isə belə aydınlıq gətirib:

“Nədən oldu” ən sevdiyim mahnılardan biridir. İstədim ki, öz tərzimdə dinləyicilərimə çatdırım, həm də repertuarıma əlavə edim. Mahnının aranjimanı Muxtar Abseynova aiddir. Video isə Türkiyədə hazırlanıb”.

İfaçı onu da qeyd edib ki, hazırda yeni mahnılar üzərində çalışır və tezliklə onları da dinləyicilərinin ixtiyarına verəcək.