Aktyor Elşən Orucov “Bozbash pictures”dən getməsindən danışıb.

Musavat.com Axşam.az-a istinadən xəbər verir ki, o, bu haqda “Özəl” proqramında bəhs edib.

Elşən aparıcı Kazım Sübhanın “Bozbash pictures” niyə bağlandı” sualına belə cavab verib:

“Bağlandı yox, dağıldı. Bunu hamı məndən soruşub. İlkin və başqaları verilişimdə qonaq olub. Biz Azərbaycanda hər yerdə çəkiliş etdik. Fikirləşdik ki, saxlamağın vaxtıdır. Danışdıq və saxladıq. Biz görüşürük də, müzakirələr də edirik. Düzdür arada eşidirəm deyirlər, münasibətlər dağılıb. Amma biz veriliş üzərindən tanışlıq qurmamışıq ki, ondan sonra da kəsilsin. Biz ondan əvvəl dostluq qurmuşuq, buna görə də bitməsi mümkün deyil”.