Bölgələrdə “Himayədar ailə” görüşləri keçirildi

Bölgələrdə "Himayədar ailə" görüşləri keçirildi

Əmək və Əhalinin Sosial Müdafiəsi Nazirliyinin tabeliyində fəaliyyət göstərən Sosial Xidmətlər Agentliyi, ‘Himayədar ailə’ institutunun təbliği məqsədilə bir sıra rayon və şəhərlərdə yerli sakinlərlə görüşlər təşkil edib.

Minval.info xəbər verir ki, bu görüşlər Qax, Bərdə, Biləsuvar, Şirvan, Salyan, Saatlı, Göyçay və Neftçala rayonlarında keçirilib və 300-dən çox vətəndaşın iştirakı ilə baş tutub.

Görüşlərdə ‘Himayədar ailə’ qayğı modelinin üstünlükləri müzakirə edilib. Bu model, valideyn himayəsindən məhrum olmuş uşaqların ailə mühitində böyüməsinə, onların fiziki, psixoloji və sosial inkişafının dəstəklənməsinə yönəlmiş alternativ qayğı növü kimi təqdim olunub. Eyni zamanda, himayədar valideyn olmaq üçün müraciət qaydaları, namizədlərə dair tələblər və seçim mərhələləri barədə ətraflı məlumat verilib.