Biləcəridə çörək zavodunda ciddi nöqsanlar aşkarlandı

Biləcəri qəsəbəsində yerləşən çörək emalı müəssisəsində nöqsanlar aşkarlanıb. Azərbaycan Respublikası Qida Təhlükəsizliyi Agentliyi (AQTA) tərəfindən həyata keçirilən plandankənar yoxlama zamanı qida təhlükəsizliyi və sanitariya tələblərinin pozulduğu müəyyən edilib.

Minval.info xəbər verir ki, yoxlama Bakı şəhəri, Binəqədi rayonu, Biləcəri qəsəbəsi, Mehdi Hüseynzadə küçəsi, ev 9 ünvanında fəaliyyət göstərən Səxavət Sərdər oğlu Qaragözova məxsus müəssisədə aparılıb. Aşkar edilən nöqsanlarla bağlı müəssisənin sahibi barəsində inzibati protokol tərtib olunub və uyğunsuzluqların aradan qaldırılması üçün icrası məcburi göstərişlər verilib.