Beyrutdakı partlayışın dəhşətli nəticəsi: 78 ölü, 4 min yaralı - VİDEO

Beyrut limanında baş verən güclü partlayış nəticəsində ölənlərin sayı 78 nəfərə çatıb, 4 mindən çox insan yaralanıb.

Minval.info Livanın Səhiyyə Nazirliyinə istinadən xəbər verir ki, eyni zamanda, itkin düşmüş insanların sayının çox olması səbəbilə qurbanların sayının artacağını gözləyir, çökən binaların dağıntılarından cəsədlərin hələ də çıxarılmasına davam edilir.

Çərşənbə axşamı axşam Beyrut liman bölgəsində güclü partlayış baş verib. Şəhərin binalarının yarısı dağılıb, xəstəxanalar yaralananlarla dolub.

Livanın Baş naziri Həsən Diyab bildirib ki, limanda 2750 ton ammonium nitratının düzgün saxlanmaması nəticəsində partlayış baş verib. Orada aparılan qaynaq işləri zamanı ehtiyatsızlıq bu partlayışa səbəb olub.

Minval.info