"Barselona" Çempionlar Liqasının yarımfinalında "Liverpul"u qəbul edəcək - AFİŞA

Bu gün UEFA Çempionlar Liqasında yarımfinal mərhələsinin növbəti oyunu keçiriləcək.

“Report”un məlumatına görə, erkən final adlandırılan cütün ilk oyununda “Barselona” İspaniyada İngiltərə “Liverpul”unu qəbul edəcək. “Mersisaydlılar” 1/ 4 finalda Portuqaliyanın “Portu” kollektivini, kataloniyalılar isə İngiltərənin digər təmsilçisi “Mançester Yunayted”i mübarizədən kənarlaşdırıb.

Görüş öncəsi meydan sahiblərinin heyətində itki yoxdur. Qonaqlarda isə yalnız Adam Lallana və Roberto Firminonun durumu sual altındadır.

ƏLAQƏLİ

Bunu da oxu

Ronaldo cəzalandırılmasına belə reaksiya verdi

20.10.2026 - 10:24

“Barselona” cari mövsüm Çempionlar Liqasında heç bir görüşdə məğlub olmayıb. “Liverpul” isə qrup mərhələsindəki səfər oyunlarının hamısından məğlubiyyətlə ayrılıb.

Komandalar arasındakı cavab oyunu mayın 7-də təşkil olunacaq.

Çempionlar Liqası
Yarımfinal, ilk oyun
1 may
23:00. “Barselona” (İspaniya) – “Liverpul” (İngiltərə)

ƏLAQƏLİ

Bunu da oxu

Ailəsini də götürüb Əbu-Dabiyə getdi: Gürcü ilə döyüşmək üçün

19.10.2026 - 17:54

Baş hakim: Byorn Keypers (Hollandiya)

Kataloniya. “Kamp Nou”