Bakıdakı “borc aparatları” yığışdırıldı – Dövlət qurumları əməliyyat keçirdi

Bakıdakı “borc aparatları” yığışdırıldı - Dövlət qurumları əməliyyat keçirdi

Bakıda “Azpul” Məhdud Məsuliyyətli Cəmiyyətinə (MMC) məxsus “Azpulmat” özünəxidmət terminalları yığışdırılıb.

“Minval.info”nun məlumatına görə, noyabrın 24-də müvafiq dövlət qurumları tərəfindən əməliyyat keçirilib, terminallara blok qoyulub. Əməkdaşımızın müşahidəsi zamanı bəlli olub ki, bu günə qədər pul götürən vətəndaşlar borclarını geri ödəmək istəyirlər, amma cihazlar qapalıdır.

Təxribat cəhdlərinin heç bir nəticəsi olmayacaq – Partiya sədrindən sərt mövqe

ƏLAQƏLİ

Bunu da oxu

Təxribat cəhdlərinin heç bir nəticəsi olmayacaq – Partiya sədrindən sərt mövqe

15.10.2026 - 01:43

“Belə daha yaxşıdır, pulumuz cibimizdə qaldı, bağlansın, ödəməyək” – deyənlər də var, “Bu sistem 15 gün sonra bərpa olunsa, məndən artıq faiz istəyəcəklər? Ödəyən deyiləm. İndi ödəmək istəyirəm, işləmir” deyən də… Amma bəlli olan budur ki, hazırda MMC-nin fəaliyyəti ilə bağlı araşdırmalar davam etdirilir.

Qeyd edək ki, şəhərin bir neçə ərazisində quraşdırılan el arasında “borc aparatı” kimi təqdim edilən aparatlardan insanlar şəxsiyyət vəsiqəsini, barmaq izini aparata daxil etməklə, 20 AZN məbləğində borc pul alırdılar.

Həmin borc beş gün ərzində 21 AZN şəklində, yəni faizlə qaytarılırdı. Təkrar müraciət zamanı isə 40 AZN götürmək mümkün idi.