Bakıda və ağdaşda Sabah elektrik enerjisi fasiləsi: Hansı ünvanlar təsirlənəcək?

Avqustun 5-də Bakıda və Ağdaşda elektrik enerjisi təchizatında müvəqqəti fasilələr olacaq. Bu tədbirlər elektrik enerjisinin keyfiyyətini artırmaq və artan tələbatı qarşılamaq məqsədilə həyata keçirilir.

Minval.info xəbər verir ki, “Azərişıq” ASC-nin məlumatına görə, Yasamal Rayon Enerji Təchizatı və Satışı İdarəsinin əhatə etdiyi Cəfər Cabbarlı, Zivər bəy Əhmədbəyov və Məhəmməd Naxçıvani küçələrinin bir hissəsində elektrik enerjisi verilişi məhdudlaşdırılacaq.

Nərimanov rayonunda isə Böyükşor qəsəbəsinin bəzi əraziləri saat 09:00-dan 13:00-dək elektrik enerjisiz qalacaq. Ağdaş Elektrik Şəbəkəsinin ərazisində isə Aşağı Ağcayazı, Yuxarı Ağcayazı, Dəhnə kəndləri və Türyançay qəsəbəsi, həmçinin şəhər ərazisində 42-ci məhəllə saat 10:00-dan 13:00-dək, Qoşaqovaq, Qolqəti və Şəkili kəndləri isə saat 10:00-dan 14:00-dək elektrik enerjisiz qalacaq.