Bakıda ticarət mərkəzi yanır - FOTO, VİDEO

Binəqədi rayonunda yerləşən  “EuroHome” tikinti materialları bazarı ərazisində yanğın başlayıb.

Minval.info xəbər verir ki, bazarda əsasən yanmağa meylli tikinti materialları satıldığı üçün alov qısa müddətdə geniş əraziyə yayılıb. Ərazidə çalışanların sözlərinə görə gecə saat 4 radələrindən bazar ərazisində tüstü müşahidə edilib. Bir neçə dəqiqə öncə isə yanğın başlayıb.

Əraziyə Fövqəladə Hallar Nazirliyinin əməkdaşları cəlb edilib. Rəsmi məlumata görə hazırda nazirliyin Dövlət Yanğından Mühafizə Xidmətinin yanğınsöndürmə qüvvələri və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub.

Yanğınsöndürmə işləri davam etdirilir.