Bakıda tanınmış şirkətin əməkdaşına 14 bıçaq vurana hökm oxundu

Bakı Ağır Cinayətlər Məhkəməsində şirkət əməkdaşını öldürməyə cəhddə təqsirləndirilən Turan Kubuşovun cinayət işi üzrə məhkəmə iclası keçirilib.

APA-nın məlumatına görə, hakim Mahmud Ağalarovun sədrliyi ilə keçirilən prosesdə hökm oxunub.

Hakimlər kollegiyasının hökmünə əsasən, Tural Kuboşuv 18 il müddətinə azadlıqdan məhrum edilib.

ƏLAQƏLİ

Bunu da oxu

Bu tarixdən leysan yağacaq, dolu düşəcək - xəbərdarlıq

20.10.2026 - 15:24

Qeyd edək ki, hadisə ötən il aprelin 25-də Yasamal rayonunda “ZD Travel” şirkətinin qarşısında baş verib. Şirkətin xəzinədarı, 1989-cu il təvəllüdlü Tərxan Namazov 20 min manat pulla ofisdən çıxıb avtomobilə tərəf gedərkən maskalı şəxs hücum edərək çantanı alıb qaçmaq istəyib. Lakin Tərxan müqavimət göstərdiyi üçün cinayətkar silaha əl atıb və ona 14 bıçaq zərbəsi vurub. Ətrafdakı taksi sürücülərinin hadisə yerinə yaxınlaşdığını görən maskalı şəxs oradan qaçaraq uzaqlaşıb. T.Namazov xəstəxanaya yerləşdirilib.

Polis və prokurorluq orqanları əməkdaşlarının birgə keçirdikləri istintaq və əməliyyat-axtarış tədbirləri ilə cinayəti törətməkdə şübhəli bilinən Bakı şəhər sakini, əvvəllər məhkum olunmuş T.Kubuşov saxlanılıb. O, bir müddət “ZD Travel” şirkətinin rəhbəri Vəli Dünyamalıyevin sürücüsü işləyib.

1983-cü il təvəllüdlü T.Kubuşov Cinayət Məcəlləsinin 29,120.2-ci (qəsdən adam öldürməyə cəhd), 181-ci (quldurluq) maddələri ilə ittiham edilir.

ƏLAQƏLİ

Bunu da oxu

Kiyevə dron hücumu zamanı azərbaycanlı yaralanıb

20.10.2026 - 15:04

T.Kubuşov məhkəmədə verdiyi ifadədə ittihamı qəbul etməyib və hadisə baş verən zaman başqa ərazidə olduğunu bildirib.