14.05.2019 - 13:35
Hadisə 3 baxış

Bakıda özünü məktəbin 2-ci mərtəbəsindən atan şagirdin SON VƏZİYYƏTİ

Bakıda özünü məktəbin 2-ci mərtəbəsindən atan VIII sinif şagirdinin vəziyyəti orta-ağır-stabildir.

Bununla bağlı”Minval.info”ya Səhiyyə Nazirliyinin Mətbuat xidmətindən məlumat verilib.

Bildirilib ki, hazırda şagird 1 saylı Şəhər Klinik Xəstəxanasının reanimasiya şöbəsindədir. Onun dirsək oynağında qəlpə sınığı, diz qapağında isə yerini dəyişməyən sınıq var. Şagirdin vəziyyəti orta-ağır-stabil olaraq qiymətləndirilir.

Qeyd edək ki, mayın 13-də Bakı şəhəri 273 nömrəli tam orta məktəbin VIII sinif şagirdi özünü məktəbin 2-ci mərtəbəsindən atıb. Məktəbdən bildirilib ki, şagird dərsdən qaçmaq məqsədilə II mərtəbədəki sinif otağının pəncərəsindən əvvəlcə çantasını, sonra özünü aşağı atıb. Hadisə ilə bağlı araşdırma aparılır.

Bu xəbəri paylaş:
Link yaddaşa kopyalandı!

Ən son xəbərləri bizim sosial media səhifələrimizdə izləyin!

Ölkədən və dünyadan ən sürətli canlı yayımları qaçırmamaq üçün bizə abunə olun: