Bakıda mənzil bazarında qiymət "dalğası": Kiçik evlər bahalaşır!

Bakıda mənzil bazarında qiymətlərin sürətlə artması diqqət çəkir. Əmlak mütəxəssisi Elnur Fərzəliyev bildirir ki, bu artım xüsusilə kiçik sahəli mənzillərdə və köhnə binalarda daha çox hiss olunur.

Minval.info xəbər verir ki, ekspertin fikrincə, yeni tikililərdə də qiymətlərin yüksəlməsi gözlənilir. Bunun əsas səbəbi isə paytaxtda yeni yaşayış binaları üçün uyğun torpaq sahələrinin azalmasıdır. Hazırda yeni tikililərin qiymətləri yerləşdiyi əraziyə görə dəyişir. Mərkəzi ərazilərdə bir kvadratmetrin qiyməti 4-7 min manat arasında, mərkəzə yaxın yerlərdə 2-4 min manat, şəhər kənarlarında isə 1.500-2.500 manat arasında dəyişir. Köhnə binalarda isə bir kvadratmetrin qiyməti 2.500-4 min manat arasında dəyişir.