Bakıda dəhşətli hadisə: Nişanlı qız müdirinə görə intihar etdi? - FOTO, VİDEO

Yasamal rayonu Yeni Yasamal yaşayış massivi Əsəd Əhmədov küçəsində intihar hadisəsi baş verib.

Minval.İnfo xəbər verir ki, ilkin məlumata əsasən 23 yaşlı Firuzə adlı qız özünü binanın 7-ci mərtəbəsindən yerə atıb. Gənc qız yerindəcə dünyasını dəyişib.

Hadisə yerinə polis  və Yasamal rayon Prokurorluğunun əməkdaşları gəlib. Faktla bağlı araşdırma aparılır.

İddialara görə, gənc qız gözəllik salonunda çalışırmış. Bir müddət öncə salonda oğurluq hadisəsi baş verib və salon sahibi Firuzəni oğurluqda ittiham edib. Ona bir neçə gün ərzində itən 1000 manat pulu gətirməsini əmr edib. Firuzə isə oğurluq etmədiyini, hadisədən xəbərsiz olduğunu bildirib. İddia olunur ki, gənc qız bu səbəbdən intihar edib.

Mərhumun qonşularının saytımıza verdiyi məlumata görə, Firuzə nişanlı olub və bu yaxınlarda toyu olacaqmış.

Hadisə haqqında ətraflı məlumat almağa çalışırıq.

Minval.İnfo