Bakıda 22 yaşlı oğlanı qatarın altında qaldı — Ayaqları amputasiya edildi

Bakıda 22 yaşlı oğlanı qatar vurub.

“Minval.info” Oxu.Az-a istinadən xəbər verir ki, hadisə Biləcəri rayonu, Dəmir yol stansiyasında “Daş bazarı” yaxınlığında baş verib.

Qatar dəmiryol xəttini keçmək istəyən 22 yaşlı oğlanı vurub.

Səhiyyə Nazirliyindən saytımıza verilən məlumata görə, hadisə ilə bağlı təcili tibbi yardıma çağırış saat 05.51-də daxil olub:

“Hadisə yerinə gələn həkim briqadası piyadanın ayaqlarının qatar altında qaldığını görüb. Ağır xəsarət alan gənc dərhal travmatologiya institutuna çatdırılıb. Müayinədən sonra həkimlər yaralının hər iki ayağını amputasiya etmək məcburiyyətində qalıblar. Baş vermiş hadisə barədə Binəqədi rayon polis idarəsinə məlumat verilib”.